إعـــــــلان

تقليص
لا يوجد إعلان حتى الآن.

: : : معاناة مواطن سعودي .. يقطع القلب : : :

تقليص
تم غلق هذا الموضوع
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • : : : معاناة مواطن سعودي .. يقطع القلب : : :

    السلام عليكم ورحمة الله وبركاته

    كيف حالكم أخواني ..

    هذي رساله وصلتني على بريدي من مجموعة نايف الشعلان

    صحيح هو كلام قوي وبنفس الوقت يحكي حال المواطن , نسأل الله العفو والعافيه ..

    ورسالته يقول فيها :

    أوجه رسالة للوالد القائد خادم الحرمين الشرفين

    من واجبات الأبووووه أن الأب يستمع لصرخات أبنه وضمه على صدره وإذابة كل آلامه

    والملك زي ابوي،، لأحد يتدخل بين أب وطفله

    ابشرك يا خادم الحرمين الأسعار مضبوطة والمواد الغذائية متوفرة

    ما نقصنا بس إلا الخبز يرفعون سعره

    وخذ عندك بعض الأسعار

    قشطة المراعي صارت 4 ريال

    حبة المظبي 22 ريال

    الكفرات ارتفعت 30 بالميه

    الأدوية 25 بالمية

    تخيل يا خادم الحرمين جبن كرافت والمراعي السايل ارتفع

    طيب وش نسوي لبزارينا المشكلة يقدرون الكرافت السايل مع الصامولي

    الببسي صار 20.5

    والأيجارات أرتفعت

    وقسايم المرور زادت

    الحمدلله على النعمه أمن وآمان

    الله لا يغير علينا

    حتى رز ابو كاس ارتفع

    لا وازيدك من الشعر بيت رزمة الكراث والبصل صارت بريالين

    شفت شلون حنا بنعمه

    تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف

    وحده ثانيه

    ونعطي لبنان مليار ونص دولار

    ونرسل لمصر المعونه السنويه

    تعرف ماشاء الله حنا.. من كثر الفلل التمليك.. الناس صارو يأجرون ببلاش

    ممكن طلب طال عمرك.. ابي سلف 12000 ريال

    عندي دين اسدد فيه لي سنه ولا خلص.. كل شهر 500 ريال

    الله يرحم حالنا والله..

    ابشرك طال عمرك

    قبل كم يوم حطم سعر برميل البترول الرقم القياسي وصار يباع بـ 99 دولار

    ورصيدي أيضا حطم الرقم القياسي في نفس اليوم وصار فيه 17 ريال

    الحمد لله شفت كيف أنا بخير

    أحب اطمنك صرنا نسوي رجيم غصب عنا

    تعرف اللحم ما عاد نعرفه

    حتى الدجاج ما عاد نأكله

    صرنا رشيقين

    نسمع بالكرش ما عاد نشوفها

    نسمع بالبطن اللي لاصق في الظهر

    يوووووه في كل مكان نشوفه

    نم قرير العين الشعب بخير

    لاتتعب نفسيا ودور في النت توأم تفصلهم

    توائمنا ليش ينفصلووو

    صلة الرحم زينه خلهم يتشابكون طول العمر

    يمكن لو فصلناهم يتهاوشون ويفترقون

    خلهم متشابكين في جسد واحد

    الله لا يغير علينا

    ابشرك طال عمرك شعبك تطور

    استبدل البكاء بطعم الملح ببكاء بطعم الدم

    آآآآآآآآآآآآآآه يا حلو مذاقه

    ودك تجربه؟؟

    انا أقولك وشلون

    نظف منزلك من حليب الأطفال

    نظف جيبك من الفلوس

    نم ومخباك فاضي

    خل زوجتك تصحيك من النوم قبل الفجر

    وتقولك أن طفلك ما عنده حليب

    دق الشماغ ولف على جيرانك

    دور سلف.. علشان تشتري حليب لطفلك

    الجميع بيطردك لأنهم طفارى

    انس انك ملك وأرجع للبيت

    بتدخل على أنغام بكاء طفلك

    عندها ستحتقر نفسك وانت عاجز عن اشباع طفلك

    عندها ستلعن اليوم اللي انولدت فيه

    عندها ستلعن اليوم اللي انولد طفلك وصرت مسؤول عنه

    عندها ستضمه وستبكي من القهر

    ستنزل دموعك وتحس بطعم الدم في حلقك

    تذكر طال عمرك يوم حنا صغار وش كانو يقولون لنا

    كانو يقولون الرجال ما يبكي

    عيب تطلع دموعه

    صرنا نصيح عادي

    البكاء صار ملازم لنا

    والسبب كومة لحم (أطفال ونساء) في رقبة الواحد

    يبكي لأنه عاجز عن توفير الحياة الكريمة لهم

    بس ودي أقولك شي قبل ما أروح أصيح

    تدري وش معنى الرجل يبكي قدام زوجته وأطفاله

    معناها تساقط كل قيم الرجولة اللي تعلمناها في طفولتنا

    معناها إحساس المرأة بالانكسار وعدم الأمان

    معناها خنوووووع ما بعده خنووووع للظروف القاسية اللي وضعنا فيها

    معناها أمور كثيرة

    ارسلها لكل من تعرف عسى أن يصل صوت المعاناة إلى مليكنا

    منقول .. من بريدي

    والله الموفق
    In every "Game Over" ,there's always try again

  • #2
    رد: : : : معاناة مواطن سعودي .. يقطع القلب : : :

    ياحــــرام :(
    الله يرزقه ويوقف له عيال الحلال
    وهـ بس موهذا الشخص اللي يعاني
    20% من السعودين يعانو من هالشي
    الله المستعان
    سلمت يمناك فارس
    على طرح الجمييييييييييل
    لقتدم
    تحياتي لك

    تعليق


    • #3
      رد: : : : معاناة مواطن سعودي .. يقطع القلب : : :

      يعطيك ربي الف عافيه

      ولا يحرمنا من جديدك


      ملوكه
      :)

      تعليق


      • #4
        رد: : : : معاناة مواطن سعودي .. يقطع القلب : : :

        الله يعافيكم


        وشاكركم على مروركم وتعليقاتكمـ..!!

        سلمت يمناكمـ..!!
        In every "Game Over" ,there's always try again

        تعليق


        • #5
          رد: : : : معاناة مواطن سعودي .. يقطع القلب : : :

          والله كلام قوي


          بس كله صح :(


          انا اتوقع 70% من الشعب


          لكن الله يفك الفرج


          ما قصرت اخوي فاقد حنان


          وبنتظار جديدك

          تعليق


          • #6
            رد: : : : معاناة مواطن سعودي .. يقطع القلب : : :

            اسلوب الشكوى بعفوية
            يجبرنا على الانكسار
            :(
            اسأل الله ان يحقق مايصبو
            إليه من وراء ماكتبه



            لا حُرمنا جديدك










            سامحك الله ي اردوغان فقد احرجت وجوه لا تعرف حمرة الخجل


            * الشيخ / خالد البكر

            تعليق


            • #7
              رد: : : : معاناة مواطن سعودي .. يقطع القلب : : :

              يسلمو خيو على الطرح الرائع.. يعافيك ربي..لك ودي~

              تعليق


              • #8
                رد: : : : معاناة مواطن سعودي .. يقطع القلب : : :

                الله يعافيكم يا حبايبي..وشاكركم على مروركمـ..!!
                In every "Game Over" ,there's always try again

                تعليق

                المواضيع ذات الصلة

                تقليص

                المواضيع إحصائيات آخر مشاركة
                Normal المواضيع
                كاتب الموضوع masterlogiciel, 2 - 11 - 2014, 12:41 PM
                0 المشاركات
                0 المشاهدات
                0 معجبون
                آخر مشاركة masterlogiciel
                بواسطة masterlogiciel
                 
                كاتب الموضوع masterlogiciel, 2 - 11 - 2014, 12:40 PM
                0 المشاركات
                1 مشاهدة
                0 معجبون
                آخر مشاركة masterlogiciel
                بواسطة masterlogiciel
                 
                كاتب الموضوع masterlogiciel, 2 - 11 - 2014, 12:36 PM
                0 المشاركات
                0 المشاهدات
                0 معجبون
                آخر مشاركة masterlogiciel
                بواسطة masterlogiciel
                 
                كاتب الموضوع masterlogiciel, 2 - 11 - 2014, 12:35 PM
                0 المشاركات
                2 المشاهدات
                0 معجبون
                آخر مشاركة masterlogiciel
                بواسطة masterlogiciel
                 
                كاتب الموضوع masterlogiciel, 2 - 11 - 2014, 12:33 PM
                0 المشاركات
                1 مشاهدة
                0 معجبون
                آخر مشاركة masterlogiciel
                بواسطة masterlogiciel
                 
                يعمل...
                X